Трампга суиқасд!..
CNN хабари: Трамп иштирок этаётган қабул маросимида ўт очган шахс йўқ қилинди!
Шанба, 25 апрель куни Вашингтондаги «Washington Hilton» меҳмонхонасида Оқ уй мухбирлари ассоциациясининг кечки зиёфати пайтида номаълум шахс оломонга қарата ўт очди. Ушбу тадбирда АҚШ Президенти Дональд Трамп шахсан иштирок этаётган эди.
CNN телеканали журналисти Кейтлин Коллинзнинг маълум қилишича, ҳужум қилган кимса воқеа жойида ўлдирилган.
«Таълим вазири ҳозир менинг ёнимда, унинг қўриқчилари меҳмонхона лоббисида отишма бўлганини ва жиноятчи йўқ қилинганини тасдиқлашди», — деди журналист жонли эфирда.
Воқеа тафсилотлари: Агентликларнинг хабар беришича, кучли шовқин ва отишма овози эшитилганидан сўнг, Махсус хизмат агентлари Дональд Трамп ва унинг рафиқаси Меланья Трампни зудлик билан эвакуация қилишган. Гувоҳларнинг таъкидлашича, Меланья Трамп хавфсизлик ходимлари томонидан олиб чиқиб кетилишидан сониялар олдин оломон ичидаги шубҳали ҳаракатни сезиб қолган ва унинг юзида қаттиқ хавотир аломатлари кўринган.
Сўнгги маълумотларга кўра, АҚШ Президенти воқеа натижасида жабрланмаган. Ушбу ҳодиса Трампга нисбатан амалга оширилган навбатдаги суиқасд сифатида баҳоланмоқда.
