Президент эмаклаб қочганда, Секрет хизмат қаерда эди?!

Ҳужумчи ўзи билан бутун бошли арсенални олиб келган: милтиқ, тўппонча ва совуқ қурол.

АҚШ пойтахтидаги Фавқулодда ҳолатни кўпчилик аллақачон Дональд Трампга нисбатан янги суиқасд уриниши деб атамоқда. Америка президенти Hilton меҳмонхонасида журналистлар учун тантанали кечки овқат ташкил қилган эди. У ерга Оқ уй маъмурияти раҳбариятининг салмоқли қисми ҳам таклиф этилганди. Тадбирнинг само бошида зиёфат залига қуролланган эркак ёриб киришга уринди. У Махфий хизмат ходимларига қарата ўт очди ва улардан бирини яралади. Агентни зирҳли нимча қутқариб қолди. Жиноятчи Трамп ва бошқа юқори мартабали амалдорларга етиб боришга улгурмади, уни қўриқчилар тўхтатиб қолди.

Эътибор беринг, бу Трампга нисбатан уюштирилган тўртинчи суиқасддир. Эҳтимол, АҚШ президентларининг ҳеч бири у каби тез-тез нишонга олинмаган ва ҳар сафар сувдан қуруқ чиқмаган бўлса керак.

Қандай қилиб қўриқчилар отишмага йўл қўйишди?

Washington Hilton меҳмонхонаси. Оқ уй қошидаги мухбирлар ассоциациясининг кечки овқати. 2,5 мингдан ортиқ журналистлар, сиёсатчилар, амалдорлар ва тадбиркорлар иштирок этмоқда. Зиёфат айни қизиган пайтда ўқ овозлари эшитилди.

«Трамп давридаги Америкада айнан ўқ ҳар қандай сиёсий баҳсда асосий аргументга айланди. Сиёсатчилар, жамоат арбоблари ёки бугунгидек мамлакат раҳбарияти деярли тўлиқ таркибда нишон остида қолди», – дейди мухбир.

Президент бўлган залда ўқ овозлари янграйди, лекин АҚШ етакчисини қутқаришга ҳеч ким шошилмайди. Трамп идишларнинг синиш овози остида рафиқаси билан хотиржам суҳбатлашади. Кейин эса ваҳимали қичқириқлар ва ниҳоят қўриқчилар пайдо бўлади.

Бироқ, биринчи бўлиб — сўзма-сўз айтганда «ёқасидан тутиб» — столдан Америка етакчисини эмас, вице-президент Жей Ди Вэнсни олиб чиқиб кетишади. Трамп эса кейингиси бўлади. У қоқилиб кетади ва зални эмаклаб тарк этади.

«Баъзи одамлар нима бўлаётганини тез тушунишди, бошқалар эса йўқ. Менимча, Мелания нима бўлаётганини жуда яхши англади. У: ‘Бу ёмон овоз’, деди», — дейди Трамп.

Биринчи шахслар қочаётган бир пайтда, Вашингтон матбуоти ва амалдорлар столлар остидан паноҳ қидиришди. UFC раҳбари Дана Уайт каби баъзилар эса шунчаки жараённи кузатиб турди. «Столларни ағдаришди, қуролланган йигитлар югуриб кириб ‘Ётинглар!’ деб бақиришди. Бу жуда ҳаяжонли эди», – деди Дана Уайт.

Бутун маъмурият хавф остида

Махсус кучлар ва рейжерлар «тишигача қуролланган» мактаб ўқитувчиси Коул Алленни тўхтатишга уринишди. Айнан у ёлғиз ўзи қамал чизиқларини ёриб ўтиб, Махфий хизмат ходимини яралашга муваффақ бўлган.

31 ёшли Коул тадбир ўтаётган меҳмонхонадан олдиндан хона банд қилган. Ўзи билан милтиқ, тўппонча ва совуқ қурол олиб келган. Сўроқ пайтида у мақсади маъмурият амалдорлари бўлганини айтган. Бу сиёсий террор маданиятининг даҳшатли кўринишидир.

Бу кимга фойдали?

Сўнгги икки йил ичида Трамп учта суиқасдни бошдан кечирди:

1. 2024 йил июль: Пенсильванияда қулоғидан ўқ тегди.

2. 2024 йил сентябрь: Флоридада қуролланган шахс унга яқинлашди.

3. Ҳозирги воқеа: Вашингтондаги отишма.

Трамп ҳар доимгидан ҳам хотиржам. Энди унинг Эрон билан боғлиқ ҳарбий операциялар фонида тушиб бораётган рейтинги яна кўтарила бошлайди.

«Баъзи буюк президентларимиз билан нима содир бўлганига қаранг. Бундай нарсалар ҳеч нарса қилмайдиган одамлар билан содир бўлмайди. Бу менинг Эрондаги урушда ғолиб чиқишимга тўсқинлик қила олмайди», – деди АҚШ президенти.

Трампни ҳам омадли, ҳам тақдир эркаси деб аташмоқда. У нафақат омон қолди, балки бу вазиятдан максимал фойда чиқармоқда. У аллақачон миллатни бирлашишга чақирди ва шу билан бирга хавфсизлик учун янги базм зали қуриш зарурлигини яна бир бор эслатиб қўйди.