Трамп: Мен когнитив тестдан ўтган ягона АҚШ президентиман

Дональд Трамп Флоридадаги чиқишида ўзини кognitiv тестдан ўтган ягона Америка президенти деб атади ва бу борада бошқа президентларни танқид қилди.

Унинг сўзларига кўра, у уч марта бундай тестдан ўтган ва барчасидан “аъло натижа” билан муваффақиятли ўтган.

“Мен кognitiv тестдан ўтган ягона президентман. Менимча, Барак Обама бундан ўта олмасди,” деди Трамп.

У тест саволларидан бирини ҳам мисол қилиб келтирди: “Шер, жирафа, айиқ ва акула — қайси бири айиқ?”

Шу билан бирга, Трамп сўнгги пайтларда президентликка номзодлар учун кognitiv тест жорий этиш ғоясини қўллаб-қувватлаган. Унинг таъкидлашича, раҳбарлар ақлий қобилият жиҳатидан текширилиши керак.

Аввалроқ у оммавий чиқишлардан бирида сиёсий баёнотларида хатолик қилиб, Эрон ва Украина билан боғлиқ воқеаларни аралаштириб юборгани ҳам жамоатчилик эътиборига тушган эди.