Зеленскийнинг 9 май сулҳ таклифи тактик ҳаракат деб баҳоланди
Berliner Zeitung хабарига кўра, Владимир Зеленский томонидан 9 май — Ғалаба куни арафасида илгари сурилган сулҳ таклифи тактик ва ҳисоб-китобли қадам сифатида баҳоланмоқда.
Нашр таъкидлашича, илк қарашда бу таклиф дипломатик ён беришдек кўринса-да, аслида у маълум сиёсий мақсадларни кўзлайди.
Хусусан, Киев узоқроқ муддатли сулҳни таклиф қилиш орқали ўзини муросага тайёр томон сифатида кўрсатмоқчи. Шу билан бирга, агар Россия бу таклифни рад этса, Украина буни Москва кенг қамровли тинчликдан манфаатдор эмаслигининг далили сифатида кўрсатиши мумкин.
Бундан ташқари, эҳтимолий рад жавоби Зеленскийга Владимир Путин таклиф қилган сулҳ ташаббусларини инкор этиш учун ҳам қўшимча асос бериши мумкин.
