2026 йил хит смартфони — iPhone 17 етакчиликни қўлга олди
iPhone 17 2026-йилнинг биринчи чорагида дунёдаги энг харидоргир смартфонга айланди. Counterpoint Research таҳлилий компанияси хабаригакўра, жаҳон смартфон савдосининг 6 фоизи айнан унинг ҳиссасига тўғри келган.
Таҳлилчиларнинг фикрича, модел муваффақияти уни Про-версияларга яқинлаштирган жиддий яхшиланишлар, жумладан, ички хотира ҳажмининг оширилгани ва янгиланиш частотаси юқорироқ дисплей билан боғлиқ. Натижада у асосий бозорлар — Хитой ва АҚШда ўсиш кўрсаткичини кўрсатди.
Рейтингда кейинги ўринларни iPhone 17 Pro Мах ва Prо моделлари эгаллади. Улар янада илғор камералар, узайтирилган автоном ишлаш вақти ҳамда янгича ранг ва дизайнни таклиф қилади.
Энг кўп сотилган Android смартфон эса Samsung Galaxy А07 4G бўлди. Бунга ривожланаётган минтақалардаги юқори савдо ҳажми сабаб бўлди. Ўнталикка Жанубий Корея гигантининг жами бешта қурилмаси киритилди.
Рўйхатдаги энг ҳамёнбоп смартфон — Xiaomi Redmi А5 ҳам юқори ўринлардан жой олди. Қизиғи шундаки, рейтингдаги олтита Android қурилманинг ҳеч бири флагманлар тоифасига кирмайди.
2026-йилнинг I чорагида дунёда энг кўп сотилган 10 та смартфон қуйидагилар:
Apple iPhone 17.
Apple iPhone 17 Pro Мах.
Apple iPhone 17 Pro.
Samsung Galaxy А07 4G.
Samsung Galaxy А17 5G.
Apple iPhone 16.
Samsung Galaxy А56.
Samsung Galaxy А36.
Samsung Galaxy А17 4G.
Xiaomi Redmi А5.
Бу ўнта модел жаҳон савдосининг 25 фоизини ташкил этиб, кузатувлар тарихидаги биринчи чорак учун рекорд кўрсаткич бўлди. Бунга Apple’нинг янги моделларига бўлган барқарор талаб ҳамда бутловчи қисмлар нархининг ошишига олиб келаётган хотира қурилмалари танқислиги сабабли оммавий сегментдаги ишлаб чиқарувчиларга босимнинг кучайиши сабаб бўлмоқда.
