Трамп Хитойни ўхшатолмади!..
Чунки у «бопладим», «қойиллатдим» деб қўйди. Шундай дедими, демак, ҳеч нарса ўхшамаган.
ХХР раиси Си Цзиньпин билан ўтказилган музокаралар натижасида ўзаро манфаатли савдо келишувларига эришилди. Бу ҳақда 14 май куни АҚШ президенти Дональд Трамп баёнот берди.
«(Биз — таҳр.) фантастик савдо битимларини имзоладик», — дея унинг сўзларидан иқтибос келтирмоқда Оқ уй матбуоти.
Миллий сиёсатнинг ўзига хос хусусиятлари: Трамп ва Си учрашуви АҚШ ва ХХРни яқинлаштирмайди
Томонлар ҳам икки томонлама муносабатларда, ҳам халқаро майдонда ўз қарталарини ҳали яна ўйнайдилар.
Трамп 14 май куни Хитой америкалик компаниялар учун ўз бозорига киришни босқичма-босқич очиб беришини маълум қилди. Шунингдек, Трамп ХХР раиси Си Цзиньпин миллий манфаатлар ҳақида қайғураётганини ва ўз мамлакатини ҳимоя қилаётганини таъкидлади.
Си Цзиньпин шу куннинг ўзида ХХР ва АҚШ ўртасидаги савдо-иқтисодий алоқаларни ривожлантириш икки томон учун ҳам фойдали эканини қайд этди. У ҳам савдо музокараларида ижобий натижаларга эришилганини тасдиқлади.
