Киев Россия 528 нафар ҳалок бўлган ҳарбийнинг жасадини топширганини маълум қилди – ОАВ
Украинага 528 нафар ҳалок бўлганларнинг жасадлари қайтарилди. Россия томонининг таъкидлашича, улар украиналик ҳарбий хизматчиларга тегишли бўлиши мумкин, деб хабар бермоқда Ҳарбий асирлар билан муомала қилиш бўйича мувофиқлаштирувчи штаб.
Аввалроқ Россия оммавий ахборот воситалари манбаларга таяниб, Москва ва Киев ҳалок бўлган ҳарбийларнинг жасадларини алмашгани ҳақида хабар берган эди.
«Киевга 526 та жасад топширилади, Москва эса 41 нафар Россия ҳарбий хизматчисининг жасадини қабул қилиб олади», — деб ёзган эди «Интерфакс» агентлиги.
Жума куни Москва ва Киев «205 га 205» формуласи бўйича ҳарбий асирларни алмашди. Украина президенти буни «1000 га 1000 алмашинувининг биринчи босқичи» деб атади. Томонларнинг мингтадан асир топшириши АҚШ президенти иштирокида эришилган 9–11 май кунги ўт очишни тўхтатиш келишувининг бир қисмидир, дейилади хабарда.
