СИ-гигант Anthropic компанияси IPO учун ариза топширди
«Claude» сунъий интеллект моделини яратган Anthropic компанияси IPO муддатлари ва кўламини ошкор этмади, фақат бу «бозорнинг айни дамдаги вазияти ва бошқа омилларга» боғлиқ бўлишини билдирди.
The New York Times нашри биржага чиқиш жорий куздаёқ амалга ошиши мумкинлигини тахмин қилмоқда.
IPO учун ариза бериш орқали Anthropic ўзнинг асосий рақобатчиси — ChatGPT чат-боти яратувчиси OpenAI компаниясини ортда қолдирди, чунки OpenAI ҳам биржага чиқишни режалаштирмоқда.
NBC News қайд этишича, ушбу икки компаниядан қай бири биринчи бўлиб IPO’га чиқса, молиялаштириш учун кечаётган пойгада катта эҳтимол билан яхшироқ натижаларга эришади.
Бундан ташқари, июн ойи охирида Илон Маскнинг сунъий интеллект соҳасидаги яна бир гигант ҳисобланган SpaceX компаниясининг IPO’си бўлиб ўтади. Anthropic, OpenAI ва SpaceX компанияларининг биржага чиқиши тарихдаги энг йирик IPO’лардан бирига айланиши мумкин.
