АҚШ устидан йирик ғалабадан сўнг Бельгия ФИФА ва Трампни масхара қилди
SEATTLE, WASHINGTON - JULY 6: Supporters of Belgium celebrate after their side's victory during the FIFA World Cup 2026 Round of 16 match between USA and Belgium at Seattle Stadium on July 6, 2026 in Seattle, Washington. (Photo by MB Media/Getty Images)
Бельгия терма жамоаси Жаҳон чемпионатининг 1/8 финалида АҚШ жамоасини 4:1 ҳисобида ишончли тарзда мағлуб этди. Ўйиндан сўнг «қизил иблислар» ижтимоий тармоқларда ҳам ФИФА раҳбариятига, ҳам АҚШ Президенти Дональд Трампга қаратилган ҳажвий пост жойлаштиришди.
Улар Ромелу Лукакунинг суратини илова қилиб, тагига: «Буни ҳам бекор қилинг-чи» деб ёзиб қолдиришди. Бу ўйин олдидан келиб чиққан можарога жавоб эди. Эслатиб ўтамиз, ўшанда ФИФА Трампнинг босими остида америкаликлар форварди Фоларин Балогуннинг дисквалификациясини тезкорлик билан бекор қилиб, уни ушбу баҳсда майдонга тушишга рухсат берган эди.
ЖЧ-2026нинг 1/4 финалида Бельгия турнирдан Португалияни чиқариб юборган Испания билан тўқнаш келади.
