Аргентина терма жамоасини ЖЧ-2026 дан четлатиш бўйича петиция 10 миллион имзо тўплади
Футбол мухлислари Аргентина терма жамоасини Жаҳон чемпионатидан четлатиш талаби билан петиция ташкил этди. Мазкур петиция argentinaout. cоm сайтида жойлаштирилган.
Петиция муаллифлари FIFA ва ҳакамларни турнирнинг амалдаги ғолибига нисбатан нохолисликда айблаб, мусобақа давомида аргентиналикларга ёрдам берилаётганини таъкидламоқда.
«Агар ғолиб аллақачон аниқланган бўлса, Аргентина жаҳон чемпионатининг қолган қисмида иштирок этишидан нима наф? Аргентина терма жамоасини четлатиб, қолган барчага тенг имконият беринг», дейилади петиция матнида.
Жаҳон чемпионатининг Англия ва Аргентина ўртасидаги ярим финал баҳси 16 июл куни 00:00 да АҚШда бўлиб ўтади. Учрашув ғолиби финалда Испанияга қарши майдонга тушади.
