Янги Андижонда $300 млнлик йирик инвестиция лойиҳаси амалга оширилади
“Дунё” АА хабарига кўра, Ўзбекистоннинг “Sanderson City” МЧЖ ва Жанубий Кореянинг “U&К Global” компанияси қиймати $300 млн бўлган лойиҳани амалга ошириш бўйича келишув имзолаган.
Лойиҳа доирасида дастлаб замонавий истироҳат боғи ва аквапарк, кейинги босқичда эса 750 минг квадрат метрли турар-жой мажмуаси ҳамда унга зарур ижтимоий ва муҳандислик инфратузилмаси барпо этилади.
Истироҳат боғини 2028 йил Наврўз арафасида фойдаланишга топшириш режалаштирилган.
