Россия ЕИнинг тўлиқ тақиқлаши арафасида суюлтирилган табиий газ ташувчи «соя флоти»ни 25 та кемагача кенгайтирди
Россия ЕИнинг тўлиқ тақиқлаши арафасида суюлтирилган табиий газ ташувчи «соя флоти»ни 25 та кемагача кенгайтирди — FT.
Россия ярим йил ичида СТГ ташиш учун «сояли флот»ни камида саккизта эскирган газовоз билан кенгайтирди ва уларнинг умумий сонини 25 тага етказди, деб ёзади нашр.
Бу жараён Европа Иттифоқининг 2027 йилда кучга кириши кутилаётган Россия СТГ импортига қўйган тақиқи арафасида юз бермоқда.
Яқинда сотиб олинган тўртта Kosmos, Orion, Merkuriy ва Luch кемалари санкция остидаги СТГ ўтадиган хаблардан юк ташиб бўлган. 2005–2006 йилларда қурилган ушбу газ ташувчилар эгаларини ўзгартириб, Россия байроғи остига ўтди. Одатда, бу каби флот кемалари Дубай, Гонконг ва Сингапурдаги Россияга алоқадор компаниялар номига расмийлаштирилади. Юкнинг келиб чиқишини яшириш учун навигация сигналларини ўчириш ҳамда кемадан кемага юк ортиш усулларидан фойдаланилади.
Ишлатилган танкерлардан ташқари, Россия «Звезда»дан дастлабки иккита газ ташувчини олди. Улар муз ёриб ўтувчи Arc7 «Алексей Косыгин» ва «Константин Посет». FT қайд этишича, СТГни −162 °C ҳароратда ушлаб туриш талаб этилади, шу сабабли газ ташувчилар технологик жиҳатдан мураккаб бўлиб, битта янги кеманинг нархи қарийб 300 миллион долларни ташкил этади.
