Кўзи ожизларники табаррук дейишган-да. Шунинг учун ўғирлашган!.. (видео)
Болалар битта олма кам ейишса нима қилади? Гуруч. У кони зиён. Айниқса, сабзи қўшилгани жуда ёмон бўлади. Буни кўзи ожизлар еб қўйишса, аҳвол чатоқ бўлади-да. Шуларнинг ҳаммасини ҳисобга олган, Фарғона вилоят Мактабгача ва мактаб таълими бошқармаси тасарруфидаги алоҳида таълим эҳтиёжлари бўлган (Кўзи ожиз) болалар учун ихтисослаштирилган 1-сонли «Нурли маскан» мактаб-интернати ходимлари астойдил уларга ёрдам бермоқчи бўлишган. Шунда ҳам, ўзларининг соғлиқларини гаровга қўйиб… Сўкаётганда ёки қандайдир чора кўришаётганида, албатта, шуларнинг ҳаммасини ҳисобга олиш даркор!..
