Америкаликларнинг аксарияти сунъий интеллект инсоният учун хавф туғдиришидан хавотирда
Politico нашри ёзганига кўра, сўровда қатнашган америкаликларнинг 78 фоизи сунъий интеллектдан хавфсирашини билдирган.
Уларнинг 17 фоизи сунъий интеллект туфайли юзага келиши мумкин бўлган «нейроапокалипсис»ни деярли муқаррар деб ҳисоблаган. Яна 46 фоиз респондент бундай сценарийни эҳтимолдан ҳоли эмас, деб баҳолаган.
Шунингдек, сўров иштирокчиларининг қарийб ярми илғор сунъий интеллект тизимларини ишлаб чиқишни вақтинча тўхтатиш керак, деб ҳисоблайди. Уларнинг фикрича, бу технологиялар аллақачон етарлича ривожланган.
Респондентларнинг тахминан учдан бир қисми эса бундай ёндашувга қўшилмайди.
