Хонобод чегара постида автомобилдан 20 минг доллар топилди
Андижон вилоятида божхоначилар хорижга олиб чиқилаётган, белгиланган тартибда маълум қилинмаган 20 минг АҚШ долларини аниқлади.
Божхона қўмитаси ахборотига кўра, қўшни давлатга йўл олган автомобиль Хонобод чегара божхона постида текширувдан ўтказилган.
Кўрик жараёнида транспорт воситасидан 20 минг доллар нақд пул топилган. Мазкур маблағ божхона назоратига тақдим этилмаган, шунингдек, оғзаки сўров вақтида ҳам унинг мавжудлиги билдирилмаган.
Айни пайтда ҳолатга ҳуқуқий баҳо бериш ва воқеанинг барча тафсилотларини аниқлаш мақсадида суриштирув ишлари олиб борилмоқда.
