Пентагон ҳарбий базаларни кенг кўламли уруш эҳтимолига тайёрламоқда
Пентагон эҳтимолий кенг кўламли дунё уруши фонида АШҚдаги ҳарбий базаларни ташқи ёрдамсиз камида 90 кун давомида мустақил фаолият юритишга тайёрламоқда. Fox News телеканалига маълум бўлган FORTRESS ташаббусига кўра, ушбу чоралар энергетика тармоқларининг ишдан чиқиши, таъминот занжирларининг узилиши ва муҳим инфратузилмага таҳдид солиниши мумкин бўлган вазиятлар учун назарда тутилган.
«Ватанимизни ҳимоя қилиш ҳақидаги тасаввурларимиз иккита океан бизни асрайди деган эскирган қарашларга асосланганини англаб етдим», — деди Пентагон вакили Шон Парнелл. — «Президент Трамп у дунё ўтмишда қолганини тушунади ва у янгича фикрлаш учун аллақачон замин яратди: «Олтин гумбаз» лойиҳаси, Ғарбий яримшар, Гренландия ва Панамага эътиборни қайта қаратиш».
FORTRESS ташаббуси, шунингдек, ишлаб чиқарувчилар узоқ муддатли узилишлар шароитида маҳсулот етказиб беришни сақлаб қола олишини баҳолаш учун мунтазам саноат стресс-тестлари ва сафарбарлик машғулотларини ўтказишни назарда тутади.
