Бэтменнинг мотоцикли аукционга қўйилди

Бэтменнинг мотоцикли аукционга қўйилди — уни миллион евродан ортиққа сотишни режалаштирмоқдалар.
Кристофер Ноланнинг «Қора рыцарь» ва «Қора рыцарь: Легенданинг қайтиши» фильмларида Кристиан Бейл гавдалантирган Бэтмен бошқарган футуристик мотоцикл Лондондаги Propstore аукцион уйи савdоларига қўйилади.

Бэтпод Кристофер Нолан трилогиясидаги энг машҳур транспорт воситаларидан бирига айланган. Мотоцикл 750 куб сантиметрли Honda двигатели ва улкан 31 дюймлик ғилдираклар билан жиҳозланган. Савдоларга, шунингдек, Бейл «Бэтмен: Ибтидо» фильмида кийган қора Бэтмен костюми ҳам қўйилади. У тахминан 300 минг еврога баҳоланмоқда.

Бошқа лотлар қаторида Индиана Жонснинг қамчиси, шляпаси ва кўйлаги ҳам бор. Сўнгги икки буюм Харрисон Форднинг ўзига эмас, унинг каскадёри Вик Армстронгга тегишли бўлган. Учта буюм биргаликда 1,4 миллион еврогача баҳоланиши мумкин.

Бэтмен ва Индиана Жонс ҳақидаги фильмлар реквизитидан ташқари, аукционга металл тирnoqli Фредди Крюгер қўлқопи (нархи 30 минг евродан бошланади) ва «Тахлар ўйини» телесериалидаги Жон Сноу қилич ҳам қўйилади. Аукцион Лондонда 4-6 декабрь кунлари бўлиб ўтади.