Google ўз хариталардан Жанубий Кореянинг координаталарини олиб ташлади
Жанубий Корея ҳукумати 13 ноябр куни Google компанияси ўз харита хизматларидан мамлакат ҳудудининг кенглик ва узунлик координаталарини ўчириб ташлаганини маълум қилди. Бу қадам махфий ҳарбий ва хавфсизлик объектларини ҳимоя қилиш мақсадида амалга оширилди.
Сеул феврал ойида Google’га мамлакатнинг батафсил харита маълумотларини хориждаги серверларга олиб чиқишга рухсат берган эди. Координаталарни яшириш эса ушбу рухсатноманинг асосий хавфсизлик шартларидан бири бўлган.
Идоралараро қўшма баёнотда айтилишича, мамлакат ҳудудидаги барча ҳарбий ва хавфсизлик обектлари ичида ҳамда уларнинг атрофида олинган Google Street View тасвирлари ҳам ўчирилади. Сеул агар шартлар жиддий бузилса, рухсатнома вақтинча тўхтатилиши ёки бутунлай бекор қилинишидан огоҳлантирди.
