Туркия президенти: Нетаняху ва унинг жамоаси ўзларини Гитлер, Муссолини ва Сталин билан тенглаштирди
Исроил Бош вазири Бинямин Нетаняху ва унинг жамоаси ўзларини Адолф Гитлер, Бенито Муссолини ва Иосиф Сталин билан тенглаштирдилар.
Бу ҳақда Туркия президенти Ражаб Тоййиб Эрдўғaн 9 март, шанба куни Истанбулда бўлиб ўтган Фанни тарғиб қилиш жамғармаси Бош ассамблеясининг 53-конгрессида маълум қилди.
Туркия давлат раҳбари 2023 йил 7-октабрдан буён Ғазо секторида геноцидда айбланган Исроилнинг ҳужумлари натижасида 32 мингдан ортиқ фаластинлик ҳалок бўлганини, 72 мингдан зиёди яраланганини эслатди.
Анқара жаҳон ҳамжамияти қалбида ҳукм чиқарган Исроил халқаро қонунларга мувофиқ жиноий суд олдида чиқишини таъминлаш учун саъй-ҳаракатларни амалга оширди ва қилишда давом этмоқда, деди Туркия раҳбари.
Эрдўған, жами қарийб 2 миллиард кишилик мусулмон давлатлари Фаластин халқи олдидаги биродарлик бурчини тўғри маънода бажармаганидан афсусда эканини билдирди.
«Ғазо секторида содир этилган инсониятга қарши жиноятлар билан Нетаняху ва унинг жамоаси ўз исмларини бизнинг давримиз фашистлари каби Гитлер, Муссолини ва Сталин номларига боғлашди», деб таъкидлади Ражаб Тоййиб Эрдўған.
Давлат раҳбари Анқаранинг Фаластин анклавига гуманитар ёрдам кўрсатиш борасидаги саъй-ҳаракатларига эътибор қаратди.
Эрдўғaннинг сўзларига кўра, 2023 йил 7-октабрдан бери Туркия Ғазо сектори аҳолисига 40 минг тонна гуманитар ёрдам жўнатган бўлиб, жами 19 та рейс ва 7 та рейс фуқаролик кемалари орқали амалга оширилган.
«Биз Миср ҳукумати билан яқинда ривожланаётган муносабатлардан фойдаландик ва Ғазо секторига инсонпарварлик ёрдами етказдик», – дея давом этди Эрдоған.
Президентнинг сўзларига кўра, бир кун аввал Ғазо сектори аҳолиси учун Турк Қизил Ярим Ой жамияти орқали жўнатилган 3 минг тонна гуманитар ёрдам юкланган кема Мисрнинг Эл-Ариш портига қўнмоқчи.
Эрдўғaн Фаластин фракциялари Туркиянинг Фаластин халқи курашини қўллаб-қувватлаш борасидаги саъй-ҳаракатларининг асосий гувоҳи эканлигини таъкидлади.
Давлат раҳбари Фаластин масаласида 15 йил аввал эгаллаб турган қатъий позициясини бугун ҳам сақлаб келаётганини таъкидлади.
«Фаластин даъвосини энг юқори даражада, давлат ва халқ даражасида қўллаб-қувватловчи давлат, шубҳасиз, Туркиядир», деб таъкидлади президент.
Туркия етакчисининг қўшимча қилишича, Туркия Фаластиннинг ХАМАС ҳаракатини қатъий қўллаб-қувватлайди ва унинг етакчилари билан ҳар қандай мавзуда хотиржамлик билан музокаралар олиб боради.
