Ўзбекистонда BYD автомобилларини олиб кириш чекланади

BYD компанияси электромобилларнинг маҳаллий иқлим ва йўл шароитларига мослаштирилмагани ҳамда расмий кафолатга эга бўлмагани важи билан тартибсиз импортни чеклаш бўйича ҳукуматга мурожаат билан чиққан.

Президент 18 март куни имзолаган қарорга кўра, шу муносабат билан 2024 йил 1 июлга қадар «Ўзавтосаноат» ва масъул вазирликлар томонидан BYD бренди остидаги электромобил ва гибрид автомобиллари импортини тартибга солиш бўйича таклифлар Вазирлар Маҳкамасига киритилади.

Оддий тушунтирганда, 1 июлдан кейин BYD брендига тегишли автомобилларни хусусий тадбиркорлар ва бошқа норасмий дилерлар Ўзбекистонга импорт қилиши чекланади.

Манба: yashiltulpor