Пул ундириш учун одам ўғирлаган уюшган жиноий гуруҳ ушланди (видео)
April 26, 2022, Haian, Jiangsu, China: HAIAN, CHINA - APRIL 26, 2022 - A staff member counts US dollar notes at a bank in Haian, East China s Jiangsu province, April 26, 2022. The People s Bank of China (PBOC), the central bank, decided on Thursday to cut the foreign exchange reserve ratio (RRR) for financial institutions by 1 percentage point from the current 9 percent to 8 percent starting May 15, 2022, in a bid to improve their ability to use foreign exchange funds. (Credit Image: Global Look Press/Keystone Press Agency)
ИИВ Тезкор-қидирув департаменти томонидан босқинчилик ва одам ўғирлаш жиноятларини режалаштирган уюшган жиноий гуруҳнинг ҳаракатларига чек қўйилди, деб хабар берди ИИВ ахборот хизмати.
Маълум қилинишича, 1988 йилда Самарқанд шаҳрида туғилган шахс 2001 йилда туғилган фуқарони ноқонуний йўллар билан АҚШга юборишни ваъда қилиб, ундан 36 минг доллар пул олган.
Бироқ Мексика орқали АҚШга ўтмоқчи бўлган фуқаро чегара хизмати томонидан қўлга олиниб, Ўзбекистонга депортация қилинган. Шундан сўнг у сарфланган пулларини қайтаришни талаб қилиб, 18 минг долларни олган.
Уддабурон тадбиркор мижозининг бу ҳаракатларидан кейин унга нисбатан адовати уйғониб, Тошкент шаҳрида яшовчи, 1979 йилда туғилган шахс билан ўзаро тил бириктириб, Мексикадан қайтган фуқарони ўғирлаб, ундан пул талаб қилишни режалаштирган.
ИИВ тезкор қидирув департаменти жиноят қидирув хизмати уюшган жиноятчиликка қарши курашиш бошқармаси ходимлари томонидан ўтказилган тезкор тадбир натижасида Юқори Чирчиқ туманидаги дала ҳовлига ўғирлаб келинган шахсни ва буюртмани бажариш учун талаб қилинган пулларни қабул қилиб олган жиноий гуруҳ аъзолари ушланган.
Улардан махсус ишлов берилган пуллар ва қўрқитиш учун сақлаб келинган металлдан ясалган сохта тўппонча ашёвий далил сифатида олинди. Ҳолат юзасидан Жиноят кодексининг 164-моддаси (босқинчилик) 2-қисми “б” банди, ва 137-моддаси (одам ўғирлаш) 2-қисми “б” банди билан жиноят иши қўзғатилди.
Ҳозирда ИИВ тергов департаменти томонидан тергов ҳаракатлари олиб борилмоқда.
