НАТОнинг янги кенгайиш тўлқини Гавайи оролларини ҳам ўз ичига олиши мумкин
![](https://hordiq.uz/wp-content/uploads/2024/04/izobrajenie_2024-04-05_034832947.png)
Newsweek журнали халқаро муносабатлар эксперти Алан Мендозага асосланган ҳисоботида НАТО географик жойлашуви туфайли альянсга киритилмаган Гавайи оролларини ўз масъулияти доирасига киритиши мумкинлигини таклиф қилди.
«НАТО Шимолий Атлантика билан тўғридан-тўғри чегарага эга бўлмаган, аммо у билан боғлиқ бўлган бошқа демократик давлатларга кенгаяётганини инобатга олсак, ҳеч бўлмаганда альянсни Гавайи оролларини ҳам қўшиб кенгайтириш ҳақида ўйлаб кўриш мантиқан тўғри бўларди», – дея Мендоза сўзларини келтиради агентлик.
АҚШнинг 50-штати Шимолий Атлантика шартномасининг НАТОга аъзо давлатлардан бирига ҳужумга жамоавий жавоб беришни назарда тутувчи 5-моддасига кирмайди. Иттифоқ ҳужжатида айтилишича, иттифоқчилар фақатгина «Саратон тропикининг шимолидаги Шимолий Атлантика минтақасида» можаролар юзага келган тақдирдагина жавоб беришлари керак. Гавайи бу кенгликдан жанубда жойлашган.