Литва ўз ватанига ойига бир мартадан кўпроқ борадиган россиялик ва беларусликлар учун мамлакатда яшаш рухсатномаларни бекор қилмоқчи

Тегишли қонун лойиҳаси кўриб чиқиш учун Литва Сеймига киритилди. Қонун лойиҳаси муаллифларининг фикрича, Россия ва Беларус фуқаролари ўз юртларида махсус хизматлар томонидан ёлланиши мумкин.

Қонун лойиҳасида, шунингдек, Украинага қарши ҳарбий тажовузни омма олдида маъқуллаган ёки “жамият ва давлат манфаатларига зид” маълумотларни мунтазам равишда тарқатадиган россиялик ва беларусликларнинг Литвада яшаш учун рухсатномаларини бекор қилиш таклиф қилинмоқда.