Рафаэл Гросси Запорожье атом электр станциясига ҳужумларни тўхтатишга чақирди
Атом энергияси бўйича халқаро агентлик (МАГАТЭ) бош директори Рафаэл Мариано Гросси Россия назоратидаги Запорожье атом электр станциясига тўғридан-тўғри ҳужумлар эҳтимолий ядровий авария хавфини сезиларли даражада оширганини айтди ва халқаро ҳамжамиятни, айниқса, урушда иштирок этаётган давлатларни ушбу чораларни кўришга чақирди.
Австрия пойтахти Венада бўлиб ўтган МАГАТЭ Бошқарувчилар кенгашининг навбатдан ташқари йиғилишида сўзга чиққан Гросси ўтган ҳафта Запорожье атом электр станциясига уч марта тўғридан-тўғри ҳужум уюштирилгани ортидан юзага келиши мумкин бўлган ядровий авария ёки фалокат ҳақидаги қўрқувлари билан ўртоқлашди.
Махсус йиғилишда Гросси атом электр станциясига «ўйламасдан ҳужумлар» жорий урушда янги ва анча хавфли жабҳа очиш имкониятини олдини олиши кераклигини таъкидлаб, худди шу хавотирларни Бирлашган Миллатлар Ташкилотида (БМТ) ҳам билдиришини айтди.
