Украина президенти Буюк Британия молия канцлери билан учрашди
Украина президенти Владимир Зеленский Киевда Буюк Британия молия канцлери Жереми Гант билан учрашди, дея хабар бермоқда давлат раҳбари матбуот хизмати.
«Биз давлатларимиз ўртасидаги ҳамкорликни юксак қадрлаймиз. Биз Буюк Британия билан хавфсизлик соҳасида ҳамкорлик бўйича биринчи келишувни имзолаганимиз муҳим», — деди Зеленский.
Украина президенти, шунингдек, Буюк Британиядан бир кун аввал эълон қилинган ярим миллиард фунт стерлинглик энг йирик мудофаа ёрдам пакети учун миннатдорчилик билдирди.
Давлат раҳбари Буюк Британия ҳукуматининг мудофаа эҳтиёжларини молиялаштиришни ялпи ички маҳсулотнинг 2,5 фоизигача ошириш ҳақидаги қарорини қайд этди.
«Бундай қадам учун, келажакда Украинага нафақат ёрдам берадиган, балки Европада хавфсизликни мустаҳкамлайдиган қарор учун раҳмат. Бу жуда муҳим. Бошқа Европа давлатлари мудофаа харажатларини оширса яхши бўларди. Бу Европанинг эҳтимолий муаммоларга қарши мудофаа қобилиятини сезиларли даражада мустаҳкамлайди», — деди президент.
Зеленский, шунингдек, Буюк Британиядан иқтисодиётни молиявий қўллаб-қувватлаш муҳимлигини қайд этди.
