АҚШ Хитойни сув ости кабеллари орқали жосуслик қилганликда гумон қилмоқда
Нашрнинг қайд этишича, АҚШ Давлат департаменти Хитойнинг Submarine Systems компаниясининг таъмирлаш кемаларининг ноодатий хати-ҳаракатларини қайд этди. Сув ости алоқа кабелларини ётқизиш ва таъмирлаш билан шуғулланувчи Submarine Systems компанияси ўз кемаларининг жойлашувини радио ва сунъий йўлдош кузатиш хизматларидан яширади.
Гап, хусусан, Тайван ва Индонезия яқинида ишлаётганда баъзан кузатувлардан йўқолиб қолган Fu Hai, Fu Tai ва Bold Maverick кемалари ҳақида бормоқда. Шу сабабли Қўшма Штатлар расмийлари компания махфий операцияларда иштирок этаётган кемалари ҳаракатини яширмоқда, деб хавотирда.
