Британияда кутилмаган таклиф билан Зеленскийга мурожаат қилишди
Британиянинг Reform UK партияси етакчиси Найжел Фараж Владимир Зеленскийга Россия билан музокара олиб боришни маслаҳат берди, деб ёзади Daily Mirror.
“Мен Зеленскийга айтган бўлардим: “Эшит, Ғарб сени ҳали ҳам қўллаб-қувватлаяпти ва қўллаб-қувватлашда давом этади, аммо ҳозир сиз йўқотаётган ёшлар фоизи жуда катта. Ҳеч бўлмаганда музокаралар олиб бориш вақти келмадими?” У рад эта олмаган бўларди”, – дея сиёсатчининг сўзларини келтиради журналистлар.
Фаражга кўра, Киев Россия раҳбарияти билан музокара олиб бориши керак, гарчи бу катта эҳтимол билан ҳудудни йўқотишни англатса ҳам.
Владимир Путин жума куни Россия Ташқи ишлар вазирлиги раҳбарияти билан учрашувда музокараларни бошлаш учун Украина ўз қўшинларини Россиянинг барча янги ҳудудлари – ДХР, ЛХР, Херсон ва Запорожье вилоятларидан олиб чиқиб кетиши кераклигини айтди. Россия давлати раҳбари Киев бу шартга рози бўлганидан сўнг, ҳарбий ҳаракатлар дарҳол тўхтатилишини таъкидлади. Шунингдек, Путиннинг сўзларига кўра, Киев НАТОга аъзо бўлиш режаларидан воз кечгани ҳақида расман маълум қилиши керак.
