Ҳусийлар Америка ҳарбий кемаларига муваффақиятли ҳужум қилмоқда
Яманнинг ҳусийлари Американинг икки эсминецига, шунингдек, Contship Ono контейнер кемасига ҳужум уюштирди, деди хусийлар вакили генерал Яҳё Сари.
«Ҳарбий-ҳаво кучлари Адан кўрфазида бир нечта дронлар ёрдамида АҚШнинг «Коул» эсминецига қарши ҳарбий операция ўтказди ва Аллоҳнинг ёрдами билан операция ўз мақсадларига муваффақиятли эришди», деди Сари чоршанба куни Х ижтимоий тармоғида.
Шу билан бирга, ҳусийлар Қизил денгизда Либерия байроғи остида сузиб юрган Contship Ono контейнер кемасига баллистик ракеталар ва учувчисиз самолётлар ёрдамида ҳужум қилганликларини билдирди. Сарига кўра, бу ҳужум ҳам муваффақиятли бўлган. Кемага ҳужум ҳусийлар унга эгалик қилувчи компанияга Исроил портларига киришни тақиқлагани сабабли амалга оширилган.
Шунингдек, у ҳусийлар денгиз кучлари баллистик ракеталардан фойдаланган ҳолда «Лабун» эсминецига қарши алоҳида операция ўтказганлигини хабар қилди.
Америка томони ҳудийларнинг даъволарига ҳали изоҳ бермади.
