Месси тарихдаги энг кўп совринни қўлга киритган футболчилар рейтингида етакчилигини тобора мустаҳкамлаб бормоқда
Интер Майами» МЛС мунтазам мавсумида ғалаба қозонди ва совринни қўлга киритди. Ҳужумчи Лионель Месси учун бу соврин унинг фаолиятидаги 46-кубоги бўлди.
Аргентиналик футболчи тарихдаги энг титулли футболчилар рейтингида етакчиликни мустаҳкамлади. Ушбу рейтингда иккинчи ўринни 43 та соврин қўлга киритган «Барселона»нинг яна бир собиқ футболчиси Дани Алвес эгаллаб турибди.
Кучли учликни мисрлик Хоссам Ашур 39 та соврин билан якунлаб турибди. Тўртинчи ўринни «Барселона»нинг учта собиқ ўйинчиси – Андрес Иньеста, Жерар Пике ва Серхио Бускетс бўлишиб турибди. Уларнинг ҳар бирида 37 тадан соврин бор.
Давид Алаба 36 та соврин билан еттинчи ўринни эгаллаб турибди. Кенни Далглиш, Райан Гиггз ва Криштиану Роналду 35 тадан кубок билан саккизинчи ўринни бўлишди.
