Улкан қор кўчкиси туфайли камида 41 киши тузоққа тушиб қолди – ёрдамга армия юборилди
Йўл қурилиши ишлари билан банд бўлган ўнлаб одамлар кутилмаганда қор кўчкисига дуч келди.
Жума куни маҳаллий амалдорлар маълум қилишича, Ҳиндистон Ҳимолай тоғларида юз берган кучли қор кўчкиси камида 41 кишини қор остида қолдирган.
Ҳодиса Уттаракханд штатининг Тибетга чегарадош Чамоли ҳудудидаги автомагистраль яқинида, ҳар йили юз минглаб зиёратчилар ташриф буюрадиган Бадринатҳ ҳинд ибодатхонасидан 5 километрдан камроқ масофада содир бўлган.
Қор кўчкиси Гархвал секторидаги Мана қишлоғи яқинида жойлашган Умумий захира муҳандислик кучлари лагерига зарба берган.
Маҳаллий полиция хабарига кўра, дастлаб 57 киши қор остида қолиб кетган.
Бироқ қутқарувчилар 16 кишини қутқаришга эришган, дея маълум қилди катта полиция зобити Ражеэв Сварооп жума куни эрталаб.
Sky News хабар беришича, уларнинг беш нафари оғир аҳволда бўлиб, ҳарбий тиббиёт муассасасида даволанмоқда.
150 га яқин ҳарбий хизматчи миллий ва минтақавий фавқулодда вазиятларга жавоб бериш кучларининг қутқарувчиларига тирик қолганларни излашда ёрдам бермоқда.
Афсуски, ноқулай об-ҳаво шароити қутқарув ишларига тўсқинлик қилаётгани ҳақида маҳаллий мансабдор шахслар маълум қилди.
«Ҳозирда қутқарув операцияси секин давом этмоқда, чунки кучли ёмғир туфайли ҳаракатланишда қийинчиликларга дуч келмоқдамиз,» – деди Чамоли тумани ҳокими Сандеэп Тивари.
