Япониялик актриса Кае Асакура Малайзияга қилган сафаридан сўнг Исломни қабул қилди
Япониялик актриса Каэ Асакура Малайзияга саёҳат қилганидан сўнг Исломни қабул қилди, деб хабар бермоқда Mothership.sg.
Актриса исломга ўтганини TikTok’даги видеосида эълон қилган. Асакуранинг сўзларига кўра, у Куала-Лумпурда жойлашган масжидларга ташриф буюрмоқчи бўлганида, маҳаллий аҳоли унга рўмол совға қилган.
«Ҳижоб менга жуда мос тушди. Одамлар менга нисбатан шунчалик меҳрибон ва самимий эдики, мен уларнинг маданиятини яқинроқ ўрганишга қарор қилдим. Агар улар мени очиқ қўллар билан кутиб олса, нега мен уларнинг ҳаёт тарзи билан танишмаслигим керак?», дея хотирлайди актриса.
Рамазон ойида Асакура ўзининг илк рўза тутиш тажрибасини ижтимоий тармоқларда бўлишди. У ҳатто ўз мухлисларини ифторга таклиф қилган видео ҳам жойлаштирди.
Асакуранинг сўзларига кўра, у исломни қабул қилганини эшитган мусулмонлар унга турли совғалар – хурмо, китоблар ва ҳатто Макка шаҳридан келтирилган намоз гилами ҳадя қилишган.
