Янги Зеландияда кучли зилзила содир бўлди
Янги Зеландиянинг жанубий ороли яқинида 6,7 магнитудали кучли зилзила юз берди. Зилзила 25 март, Снарес оролларидан 160 км шимоли-ғарбда қайд этилган ва 33 км чуқурликда маҳаллий вақт билан 14:43 да рўй берган. Ушбу кучли ер силкинишини 4700 дан ортиқ одам ҳис қилган.
Миллий фавқулодда вазиятлар агентлиги Саутленд ва Фиордленд минтақаларидаги аҳолига пляжлар ва денгиз ҳудудларидан узоқроқ туришни тавсия қилди, чунки кучли ва ғайриоддий оқимлар хавф туғдириши мумкин. Таҳдид жанубий оролнинг ғарбий қирғоғини Милфорд Соунддан Пуйсегур нуқтасигача қамраб олган.
Янги Зеландия ОАВлари эса қурилишлар, обектлар қулагани ва биноларнинг чайқалаётгани ҳақида хабар берди. Ҳудудда юз берган зилзила туфайли эҳтиёт чораларини кўриш ва зарур жойларда қўшимча текширувлар ўтказиш режалаштирилган.
