“Титаник”дан юборилган очиқ хат 350 минг еврога сотилди
Буюк Британияда ўтган аукционда “Титаник” кемасидан юборилган очиқ хат рекорд нархда — 350 минг еврога сотилди. Ушбу тарихий хат америкалик инвестор ва ёзувчи Archibald Gracy IV томонидан юборилган.
Очиқ хатда Gracy шундай деб ёзган эди:
“Бу ажойиб кема, лекин сафарим тугамагунча унинг ҳақидаги фикримни билдиришга шошилмайман”.
Аукцион Англиянинг Уилшир графлигидаги машҳур “Henry Aldridge Son уйида ташкил этилгаб. Бошланғич нарх 60 минг фунт стерлинг бўлган бўлса-да, савдо якунида очиқ хат беш баравар қиммат нархда — АҚШлик хусусий коллекционер томонидан харид қилинган.
Омон қолган кам сонли йўловчилардан бири.
Archibald Gracy IV “Титаник” ҳалокатидан омон қолган кам сонли йўловчилардан бири сифатида тарихда қолган. Ҳалокат чоғида у кемадан сакраб, муздек сувда ағдарилган қутқарув қайиғига чиққан ва қутқарилган.
Нью-Йоркка қайтгач, Gracy кема фожиаси ҳақида “Титаник ҳақидаги ҳақиқат” номли китоб ёзган.Бироқ совуқ сувда олган жисмоний зарбалар ва соғлиги билан боғлиқ муаммолар сабаб, у 1912 йил декабрь ойида вафот этган.
