Саудия Арабистони нефть нархини оширди
Саудия нефтининг энг йирик осиёлик харидорлари июнь ойидан бошлаб 20 цент кўпроқ тўлайди. Бу ҳақда Saudi Aramco’га таяниб, Bloomberg хабар берди.
Гап барча хом нефть, жумладан, Arab Light асосий нави нархининг ошиши ҳақида кетмоқда. Бунгача ушбу энергия ташувчининг нархи 30 центга ошиши кутилган эди. Тахминларга кўра, бундай қимматлашиш нархларнинг сўнгги пасайишини қисман қоплайди.
Ўшанда ОПЕК+нинг кўпроқ қазиб олиши ва АҚШ президенти Доналд Трампнинг глобал савдо уруши нефть нархининг деярли 20 фоизга пасайишига олиб келди. Бу Ар-Риёднинг иқтисодиётни модернизация қилиш бўйича Vision 2030 улкан режасини амалга ошириш режаларига таъсир қилиши керак эди. Янги сайёҳлик масканлари қурилишини молиялаштириш, иш ўринлари яратиш ва саноат ривожланишини таъминлаш учун саудияликларга нефтнинг бир баррели 100 доллардан ошадиган нархлар керак.
