Трамп Пекинни Хитой бозорларини Америка товарлари учун очишга чақирмоқда
АҚШ президенти Доналд Трамп Хитой ўз бозорларини Америка маҳсулотларига очиши кераклигини айтиб, бу Хитойнинг ўзи учун фойдали бўлишини таъкидлади.
«Хитой ўз бозорларини АҚШга очиши керак – бу улар учун жуда яхши бўлади! Ёпиқ бозорлар энди ишламайди», деди у.
Трамп Хитой товарларига 80 фоизлик божлар жорий этиш имкониятини ҳам тилга олиб, бундай чорани тўғри қадам деб атади. У, шунингдек, амалдаги 145 фоизлик тарифлар жуда юқори эканлигини тан олди ва Пекин билан савдо келишувидан кейин уларни камайтиришга ваъда берди.
Америка тарифларига жавобан Хитой ҳам Қўшма Штатлардан келадиган товарларга ўз тарифларини киритди; Бу 125%.
Хитой Ташқи ишлар вазирлиги “савдо уруши”ни Пекин эмас, Вашингтон бошлаганини таъкидлаб, АҚШни бошқа томонни ҳурмат қилган ҳолда музокара қилишга чақирди.
