Суданлик жангарилар уч ҳафтада камида 60 минг кишини ўлдирди. 150 минг киши бедарак йўқолган
«Бу худдики қассобхонани эслатади», — деди Судандаги йирик Ал-Фашир шаҳрида содир бўлган воқеа ҳақида Йел университети гуманитар тадқиқотлар лабораторияси директори Натаниэл Раймонд. Унинг жамоаси сунъий йўлдош тасвирлари ёрдамида мамлакатдаги вазиятни таҳлил қилмоқда. Манзара даҳшатли: бозорлар бўшаб қолган, моллар йўқолган. Бир пайтлар 1,5 миллион аҳоли яшаган шаҳардан асар ҳам қолмаганга ўхшайди.
Ҳуқуқ ҳимоячилари буни Судан фуқаролар урушидаги энг даҳшатли ҳарбий жиноят деб аташмоқда. Судандаги жанговар ҳаракатлар ва этник тозалашлар оқибатида 32 ой ичида 400 мингга яқин одам ҳалок бўлди, 13 миллион киши қочқинга айланди.
