У Ливерпул»даги меросини бутунлай йўқ қилмоқда — Руни Салоҳ ҳақида
«Манчестер Юнайтед» клуби ва Англия терма жамоасининг собиқ ҳужумчиси Уэйн Руни «Ливерпуль» футболчиси Муҳаммад Салоҳ ҳақида фикр билдирди.
«У «Ливерпул»даги меросини бутунлай йўқ қилмоқда. Агар у буларнинг барчасини ташлаб кетса, ачинарли бўларди. У ҳамма нарсани нотўғри қилади», – дея Рунининг сўзларини келтиради Sky Sports.
Аввалроқ Салоҳ жамоадаги ўрни ҳақида гапирган, шунингдек, Англия Премьер-лигаси 15-туридан ўрин олган «Лидс Юнайтед»га (3:3) қарши ўйиндан кейин бош мураббий Арне Слотни танқид қилганди.
Жорий мавсумда футболчи «Ливерпуль» сафида 19 та ўйинда майдонга тушиб, бешта гол урди ва учта голли узатмани амалга оширди. Ҳужумчининг клуб билан амалдаги меҳнат шартномаси 2027 йилнинг ёзига қадар мўлжалланган.
