Қирғизистондан олиб кирилган қарийб 3 кг наркотик Андижонда тўхтатилди

“Андижон – Тошкент” йўналишида ҳаракатланаётган Lacetti текширилганда, фуқарога тегишли 2 кг 994 гр “гашиш” топилди. Кейинроқ унинг шериги ҳам ушланди.

Улар гиёҳванд моддани Қирғизистонда $23 мингга сотиб олган ва Тошкентда сотишни режалаштирган.

Ҳозирда уларга нисбатан жиноят иши қўзғатилиб, оғуфурушлар қамоққа олинди.