Пентагон: «Нима қилайлик, Эроннинг денгиз блокадасини ҳеч ким ёриб ўтолмаяпди!.. Тозза жонимизга тегди!»
АҚШ томонидан Ҳурмуз бўғозида блокада ўрнатилган илк сутка давомида Эронга йўл олган бирорта ҳам кема сув коридори орқали ўтгани йўқ. Бу ҳақда 14 апрель куни АҚШ Қуролли кучлари Марказий қўмондонлиги (CENTCOM) ўзининг X ижтимоий тармоғидаги саҳифасида маълум қилди.
«Дастлабки 24 соат ичида бирорта ҳам кема блокадани ёриб ўта олмади. Шу билан бирга, олтита савдо кемаси Америка кучларининг ортга қайтиш ва Уммон қўлтиғидаги Эрон портларига қайтиш талабини бажарди», — дейилади баёнотда.
Маълум қилинишича, блокадани ташкил этишга 10 мингдан ортиқ АҚШ аскари, шунингдек, ўнлаб кемалар ва самолётлар жалб этилган. Шу билан бирга, Америка чекловлари Эрон портларига йўналтирилмаган ёки у ердан чиқмаган кемаларга тааллуқли эмас.
Нефт йўқ бўлса, имконият ҳам йўқ: Ҳурмуз бўғозининг АҚШ томонидан блокада қилиниши ҳатто Хитойга ҳам таъсир қилади
Исломободда АҚШ ва Эрон ўртасидаги муваффақиятсиз учрашувдан сўнг Форс қўлтиғи минтақасида эскалация кучаймоқда.
Бундан аввалроқ «The Mirror» журнали АҚШнинг иттифоқчилари бўлган Буюк Британия ва Франция Ҳурмуз бўғози блокадасига қарши чиққанини хабар қилган эди. Нашрнинг таъкидлашича, Бутун Британия бўйлаб оилалар бунинг оқибатларидан жабр кўрмоқда.
АҚШ ва Исроилнинг Эронга ҳужум қилиш қароригача жаҳон нефт маҳсулотларининг 20 фоизи ташилган бўғознинг ёпилиши сабабли бензин нархлари кескин кўтарилиб кетди.
