Трамп Зеленскийни G20 саммитига таклиф қилиш ниятида
АҚШ президенти Дональд Трамп Украина президенти Владимир Зеленскийни декабрь ойида Флорида штатидаги Майами шаҳри атрофида бўлиб ўтадиган G20 саммитига таклиф қилиш нияти борлигини маълум қилди.
Америка етакчиси бу ҳақда «Катта йигирматалик» етакчилари учрашувида Зеленскийнинг иштирок этиши мумкинлиги ҳақидаги саволга жавоб берар экан, журналистларга маълум қилган.
«Ҳа, бунда ҳеч қандай муаммо йўқ», — деди Трамп.
Шунингдек, у Россия ва Украина ўртасидаги можаро яқин келажакда якунланишига ишонч билдирди.
«Менимча, Украина ва Россия ўртасидаги уруш унчалик узоқ бўлмаган келажакда тугайди», — дея қўшимча қилди АҚШ президенти.
