Мактабдаги ҳужум юзасидан тергов: Саккизинчи синф ўқувчиси отасининг қуролидан фойдаланган
Туркияда мактабга ҳужум қилган саккизинчи синф ўқувчисининг отаси полиция томонидан қўлга олинди, деб хабар бермоқда «Milliyet» нашри.
«Бош прокуратура мазкур ҳолат юзасидан тергов ҳаракатларини бошлади… Тергов доирасида ҳужум қилган шахснинг отаси ҳибсга олинди», — дейилади материалда.
Тахминларга кўра, саккизинчи синф ўқувчиси отасига тегишли бўлган қуролни олиб, мактабга келган ва ўт очган. Маҳаллий ҳокимият маълумотларига кўра, у иккита синфга ҳужум қилган.
