Украинанинг Sky Map тизими АҚШ базаларида Эрон дронларига қарши қўлланмоқда
Саудия Арабистонидаги Принц Султон ҳарбий базасида АҚШ ҳарбийлари дронларга қарши курашиш учун Украинанинг Sky Map тизимидан фойдаланишни бошлади.
Тизим радар ва турли сенсорлардан келган маълумотларни бирлаштириб, ҳаводаги таҳдидларни аниқлаш ва уларга қарши чора кўриш имконини беради.
Маълумотларга кўра, украиналик мутахассислар базага етиб келган ва ҳарбийларга ушбу платформадан фойдаланиш бўйича ўқув машғулотлари ўтказмоқда.
Sky Map тизими Украина қуролли кучлари томонидан фаол қўлланиб келинмоқда. У Sky Fortress томонидан ишлаб чиқилган бўлиб, Brave1 ташаббуси доирасида қўллаб-қувватланган.
