Хитой АҚШга кескин протест билдирди: “Бир томонлама санкцияларга чек қўйилсин”
Хитой Халқ Республикаси Ташқи ишлар вазирлиги расмий вакили Го Цзякунь Пекин АҚШнинг навбатдаги чекловларига нисбатан ўз норозилигини ифода этганини маълум қилди. Бу ҳақда ХХР ТИВ матбуот хизмати хабар бермоқда.
Дипломатнинг таъкидлашича, АҚШ томонидан қўлланилаётган чекловлар халқаро нормаларга зид бўлиб, икки давлат ўртасидаги савдо муносабатларига путур етказмоқда.
Эслатиб ўтамиз, аввалроқ АҚШ маъмурияти Эрондан нефть сотиб олганликда айблаб, Хитойнинг йирик корпорацияларидан бири — Hengli Petrochemical компаниясига нисбатан санкциялар жорий этган эди. Пекин расмийларига кўра, Вашингтоннинг бундай ҳаракатлари эркин бозор тамойилларини бузиш ва бошқа давлатларнинг суверен ҳуқуқларига дахл қилиш ҳисобланади. Хитой томони ўз компанияларининг қонуний ҳуқуқ ва манфаатларини ҳимоя қилиш учун зарур чораларни кўришини билдирган.
