«Арсенал» учун совуқ душ: Пеп Гвардиоланинг «учталик соврин» режаси ишга тушди!
«Манчестер Сити» бош мураббийи Пеп Гвардиола барча ички муаммоларга қарамай, нима учун унинг жамоаси ҳали ҳам учта соврин учун курашаётгани ҳақида гапирди.
«Агар қулай муҳит бўлмаганида, ҳатто барча кубокларни ютганимда ҳам бу ерда 10 йил ишламаган бўлардим. Мен ҳали ҳам катта энергияни ҳис қиляпман ва дам олиш кунлари ҳам ишга мамнуният билан келаман. Гюндоганнинг «Барселона»дан қайтиб келиб: «Ман Сити — бу топ, топ», дегани мени қувонтирди. Агар шундай дейишаётган бўлса, демак, биз тўғри йўналишда кетяпмиз. Айнан шунинг учун ҳам биз 12-14 йилдан бери Чемпионлар лигасида мунтазам қатнашиб келяпмиз. Айнан шунинг учун биз доимо совринлар учун курашамиз — клуб тактика, тизимлар, таркиб ва мураббийлар штабида барқарор. Бу одамлар ўзларини қулай ҳис қиладиган ўзига хос муҳитдир», — дея Гвардиоланинг сўзларини келтиради The Guardian.
Жорий мавсумда «Манчестер Сити» учта совринни қўлга киритиши мумкин. Жамоа Англия кубоги финалига чиқди ва унда «Челси» билан ўйнайди. АПЛда эса жадвални бошқариб бораётган «Арсенал»дан (35 ўйинда 76 очко) нисбатан иккита захира ўйинига эга ҳолда иккинчи ўринда (33 ўйиндан кейин 70 очко) бормоқда. Аввалроқ «шаҳарликлар» финалда «канонирлар»ни мағлуб этиб, Англия лига кубогини қўлга киритишган эди.
