Сурия кучлари бир гуруҳ ўзбек жангчиларини қўлга олди
Жангчилардан бири Идлиб шаҳрида ўт очишда айбланган ва ҳибсга олинган. Шундан сўнг қуролланган бир гуруҳ ўзбек жанчилари уни озод этишни талаб қилиб намойишга чиққан.
“Хавфсизлик кучлари Идлибнинг бир қанча ҳудудларида, жумладан, Кафрия ва ал-Фуа шаҳарларида норозилик намойишида қатнашган ўзбек жангчиларини қўлга олган”, деди маҳаллий аҳоли ва расмийлар.
Сурия хавфсизлик хизмати манбасига кўра, 2025 йили Сурияда 1500 га яқин ўзбек жангчилари бўлган, уларнинг баъзилари оилалари билан бирга яшайди.
