Малайзиялик эркак хотирасини йўқотган хотинига қайтадан уйланди

Малайзияда эркак хотирасини йўқотган аёлига қайтадан уйланди. Бу ҳақда Mothership нашри хабар берди. Саккиз йил аввал аёл автоҳалокатга учраб, хотирасини йўқотган эди. У комадан уйғонганида, ҳатто эрини ҳам таний олмаган. Шундан сўнг эркак рафиқаси учун янги хотиралар яратишга қарор қилди ва фарзандлари билан биргаликда кутилмаган сюрприз-маросим уюштирди. Маросимда фарзандлари ота-онасининг пойига атиргул япроқларини сочиб, кутиб олишди. Унда эр-хотин бир-бирларига никоҳ узукларини тақишди. Кейин эркак аёлига муҳаббат изҳор этиб, умрининг охиригача у билан бирга бўлишни исташини айтди.

“Уни турмуш ўртоқ сифатида танлаб, адашмабман”, деган бундан таъсирланган аёл.