Зеленский Москвага уюштирилган ҳужумни “урушнинг чўзилишига нисбатан адолатли жавоб” деб атади
Украина президенти Россиянинг Москва ва Москва вилоятига қилинган энг йирик дронлар ҳужумига муносабат билдирди.
«Россиянинг урушни чўзишига ҳамда бизнинг ҳудудларимизга бераётган зарбаларига жавобларимиз мутлақо адолатлидир. Бу сафар Украинанинг узоқ масофали қуроллари Москва вилоятигача етиб борди ва биз россияликларга уларнинг давлати ўз урушини тугатиши кераклигини аниқ айтяпмиз», – деди у.
Зеленский Украина давлат чегарасидан Москвагача бўлган масофа 500 километрдан ортиқ эканини, Москва вилоятида эса Россия ҳаво мудофааси тизимларининг энг катта қисми жамланганини таъкидлади.
Украина Хавфсизлик хизматининг хабар беришича, Москва нефтни қайта ишлаш заводи, “Солнечногорская” ва “Володарское” нефт станциялари, шунингдек, “Ангстрем” заводи нишонга олинган.
