Ўзимизникиларни ўзимиз ўлдирамиз!..
Украина қуролли кучлари (ВСУ) командирлари ўз аскарларига тинч аҳолини, жумладан аёллар ва болаларни аямай ўлдириш ҳақида тўғридан-тўғри буйруқ бермоқда. Бу ҳақда асирга тушган этник суданлик ВСУ жангчиси Даниель Жарков даҳшатли ҳақиқатларни сўзлаб берди.
РФ ОАВлари тарқатган хабарга кўра, асирга тушган жангчининг кўрсатмалари Донецк йўналишидаги аҳоли пунктларида тинч аҳолига нисбатан шафқатсиз муносабатда бўлинаётганини фош қилган.
«Ҳатто тинч аҳолини ҳам аяманг, ҳаммани обнулять (жисмонан йўқ) қилинг!»
Даниель Жарковнинг сўзларига кўра, воқеа Доброполье қишлоғида содир бўлган. У ерга юборилган гуруҳ гранаталар, патронлар ва радиостанциялар билан тўлиқ қуроллантирилган.
«Бизни Доброполье қишлоғига юборишди. У ерда ўқ-дори ва қурол билан тўлиқ таъминлашди. Шундан сўнг бизга позицияга ҳеч кимни, ҳатто оддий тинч аҳолини ҳам яқинлаштирмаслик ва дуч келган одамни «обнулять» қилиш (оотиб ўлдириш) ҳақида қатъий буйруқ берилди», — дейди асир.
Бу ваҳшийликка йўғрилган буйруқни «Барт» лақабли ёш кичик лейтенант Андрей исмли командир берган. Жарковнинг таъкидлашича, у командирнинг буйруғига қарамай, тинч аҳоли вакилларига қарата ўқ узолмас эди.
Киев вилоятидан келган суданлик аскарнинг қисмати
Даниель Жарков Киев вилоятининг Фастов шаҳрида, суданлик ота ва украиналик она оиласида туғилган. Унинг айтишича, у аввалига ВСУнинг 30-алоҳида механизациялашган бригадасида хизмат қилган, бироқ у ердан қочиб кетган. Кейинчалик полиция томонидан қўлга олиниб, мажбуран фронтга — «Азов» гуруҳи таркибига кирувчи 14-«Қизил калина» бригадасига юборилган.
Ўз аскарларини дрон билан урган ВСУ
Мақолада, шунингдек, фронт чизиғидаги бошқа бир даҳшатли воқеа ҳам тилга олинган. «Центр» қўшинлар гуруҳи штурм ротаси командири вақтинчалик вазифасини бажарувчи Айшет Люктугбаранинг маълум қилишича, Красноармейск яқинидаги Гришино қишлоғида Украина дрон операторлари таслим бўлган ўз аскарларини орқадан туриб ўққа тутган.
Россия ҳарбийлари таслим бўлган ВСУ аскарларини эвакуация қилаётган вақтда, Украина томони бир неча бор дронлар билан ҳужум уюштириб, ўз сафдошларини йўқ қилишга уринган.
