Руҳий саломатликни дориларсиз мустаҳкамлашнинг оддий усули маълум қилинди
Финляндиянинг Оулу университети мутахассислари ўрта ёшдаги одамларнинг руҳий саломатлиги учун нафақат жисмоний фаоллик, балки унинг интенсивлиги ҳам муҳимлигини аниқлашди.
Тадқиқотга кўра, Oulun yliopistoнинг хабар беришича, ўртача ва интенсив жисмоний машқлар бемалол сайр қилиш каби енгил машғулотларга қараганда хавотир ва тушкунлик аломатларини камайтиришда самаралироқ. Мутахассисларнинг таъкидлашича, кунига ҳатто 30 дақиқа шундай машқлар ҳам ҳиссий фаровонликни сезиларли даражада яхшилайди.
Шунингдек, тадқиқотчилар тўлақонли уйқунинг аҳамиятини ҳам таъкидладилар. Етарли дам олмаслик хавотир даражасининг ошиши ва депрессив аломатларнинг кучайиши билан боғлиқ экани аниқланган.
Тадқиқотда қарийб 4,5 минг нафар киши иштирок этди. Олимлар руҳий саломатликни сақлашнинг энг самарали усули мунтазам равишда ўртача ёки юқори интенсивликдаги жисмоний машқлар билан шуғулланиш ва етарли даражада уйқу олиш эканлиги ҳақида хулосага келишди, деб хабар берди Kazinform.
