Ламин Ямаль: «Мен учун Месси — энг яхши футболчи»
«Барселона» вингери Ламин Ямаль Лионель Месси каби узоқ йиллар юқори даражада ўйнай олиш имконияти ҳақида фикр билдирди.
— Ўзингизни Месси каби 40 ёшгача футбол ўйнаётган ҳолатда тасаввур қила оласизми?
— Буни тасаввур қилиш қийин. Балки ҳали ҳам футбол ўйнаётган бўларман, аммо шундай юқори даражада ҳаракат қилиш жуда мураккаб. Бунинг учун улкан мотивация ва кучли истак керак. Мен учун Месси — энг яхши футболчи. У буни ҳали ҳам исботлаб келмоқда. Ҳозир ҳам у бошқалардан устун эканини кўрсатяпти, — деди Ямаль.
Эслатиб ўтамиз, Ламин Ямаль ва Лионель Месси 2026 йилги жаҳон чемпионатида аллақачон ўз ҳисобларига гол ёздиришга муваффақ бўлишган. Аргентиналик юлдуз Жазоирга қарши учрашувда хет-трик қайд этган бўлса, испаниялик футболчи Саудия Арабистони дарвозасига битта гол урган.
